Google Adsense Account Apply Karne Se Pehle Kya Kare

36

Adsense account apply karne se pehle kya kare or kin kin bato ka khyal rakhna chahye? Iske bare me ek newbie blogger ko puri jankari hona bahut jaruri hota hai.

Jaise din prati din blogs or websites ki ginti badhti ja rahi hai usi ke sath google adsense account ka approval lena bhi utna hi mushkil hota ja raha hai.

Specialy India ke hindi + hinglish blogs me adsense services ke liye application reject hoti hai. Jiska main reason newbie bloggers ka Google ke term and conditions ko follow na karna hota hai.

Agar aap bhi ek new blogger hai or apne blog ko monetize karne ki soch rahe hai. Toh google adsense program se badhya option or kya ho sakta hai.

Lakin adsense account apply karne se pehle apko kuch important baten dhyan me rakhni padti hai. Jise me is article me apko batane ja raha hu.

Isliye post ko dhyan se padhe or agar ko swaal ho toh comment karke puch le.

Apply Google Adsense Account

Blog Ki Monetization Kyu Karte Hai?

Agar kisi blogger se yeh swaal kiya hai ki woh blogging kyu karte hai? Or Blogging karne ke pishe unka maksad kya hai?

99% cases me jawaab milega yeh meri hobby hai or mujhe logo ki help karna acha lagta hai.

Lakin yeh baat 100% galat hoti hai.

Aj ki is busy life me koi kisi dusre ke liye kyu apna keemti (valuable) time waste karega.

Blogging karne wala har ek shaqs paise kamane ke liye blogging karta/karti hai. Apne blog ki monetization karke paise kamane ke liye vaise to bahut si internet services hai.

Lakin Google adsense jo ki best contextual ad serving program hai or sabhi bloggers ke dil me apni khaas jagah banaye hai kyuke yeh apni income ka 55% – 65% tak bloggers ko pay karta hai. Or Google ka product hone ki vajah se isper 100% yakeen (trust) bhi kar sakte hai.

Google Adsense Account Apply Karne Se Pehle Kon Kon Si Bate Dhyan Me Rakhni Chahye?

Jaisa ke mene apko bta diya hai ke adsense account ka approval lena asaan nahi hai. Toh ab apke mann me bahut se swaal a rahe honge. 

Jaise ki adsense account ke liye kab apply karna chahye?

Google Adsense ki requirements and policies kya kya hai?

Kya mera blog iske liye tyaar (ready) hai?

Aise bahut se swaal hote hai jo new bloggers ke mann me ate hai.

Agar apke mann me aise swaal hai toh darne ki koi baat nahi hai. Kyuke is post me mein apko important tips batane wala hu jise follow karke aap google adsense account ke liye apply kar sakte hai.

1. Blog/ Website

Jaise ke apko pta hoga ki affiliate marketing karne ke liye kisi blog ya website ki jarurt nahi padti kyuke uske ads links ko social media ya internet per kisi bhi promotional site par promote kar sakte hai.

Lakin Google adsense account parapt karne ke liye apke paas apna blog ya website hona jaruri hota hai.

Vaise google blogger.com par free blog banane ki service bhi deta hai. Jise start karne ke liye apko kisi specific knowledge ki jarurt nahi padti.

Iske ilava wordpress, tumble etc. jaise badhya platfarm hai yaha se blogging start kar sakte hai. Jo ki free or paid dono tarah ki service dete hai.

2. Custom Domain + 45 Days Old

Adsense employees blog ki age ko bhi notice karte hai. Aisa nahi hai ke aapne aaj blog banaya or aaj hi adsense account ke liye apply kar diya.

Aise case me apki application reject ho jayagi. Isliye google adsense account apply karne se pehle yeh baat confirm karle ki apka blog 45 days old hai ya nahi.

Blog me Custom domain ka use bhi adsense approval ke liye beneficial sabit hota hai. 

Apne blogs ke liye aap Godaddy se rs.99 me apni site ke liye custom domain name kharid sakte hai.

3. Live Website

Google adsense application apply karne se pehle yeh baat confirm kar le ki apki website ya blog sahi tarah se open ho raha hai ya nahi. Or usme kisi tarah ki koi problem toh nahi a rahi.

Kyuki agar Adsense employees apke blog ko review nahi kar sakege toh woh apko adsense ke liye approval paas kaise karege. Isiliye blog ka fully activated hona bahut jaruri hota hai.

4. Blog Responsive Template Design

Blog ke design ka adsense account approval par jayada effect nahi hota.

Lakin ek acha design visitors ke sath adsense employees ko bhi attract karta hai. Kyuki jab woh apke blog ko chek karte hai toh blog ke structure par bhi khaas dhyan dete hai.

Blog template ko responsive or SEO friendly banana koi badi problem nahi hai. Kyonki internet par bahut si blogger or WordPress themes free/paid available hai. Jise aap asaani se download karke apni site me install kar sakte hai.

5. Important pages

Important pages se mera matlab privacy policy, about blog, contact us pages se hai.

Google Adsense sign up karte waqt yeh confirm karle ki apke blog me yeh pages available hai.

Privacy Policy page Se pata chalta hai apka blog koi scam site nahi hai or na hi logo ke sath kisi tarah ki scamming kar rahi hai. Yeh page blog par hona bahut jaruri hota hai.

Contact us page blog owner ko contact karne ke liye banaya jata hai. Jo ki har site ka ek important factor hota hai.

About page me site ke bare me details batai jati hai. Jisse yeh pta chalta hai ki blog kis topic ke bare me hai or isper kis prakar ki jankari di jati hai. Sath me blog owner ke bare me correct information likhi hoti hai.

6. Sitemap

Sitemap 2 shabdo se milkar bana hai “Site” aur “Map” dono ko ek saath sitemap kehte hai.

Yeh humare blog ki sabhi posts ko ek serial vise list me rakhta bilkul ek map ki tarah.

Adsense account approval me sitemap ka bahut badha yogdan hota hai. Kyuke sitemap se blog posts ko jaldi index karne me asaani hoti hai.

7. Valid Payee Name

Payee adsense account ka important part hai. Jise baad me change nahi kiya ja sakta. Isilye account apply karne se pehle valid payee name (apna real name) jarur de. Jo ki bank account details se poora match hona jaruri hota hai.

8. Unique Contents/ No Copyright

Blog par high quality articles ka hona bhi google adsense ki application accept hone me green button ka kaam karta hai.

Isilye adsense service ke liye apply karne se pehle blog par 15-20 top quality posts jarur likhe. Jisse pta chalta hai ki apki site par knowledge based jankari di jati hai.

Iske ilava genuine contents me kisi bhi prakar ka copyright issue nahi hona chahye. Matlb ki kisi dusri site se copy kiya hua content nahi hona chahye.

9. Supported Languages

Google AdSense duniya kuch important languages ko hi support karta hai. Jiske chalte adsense account apply karne se pehle iski supported languages ki jankari hoba bahut jaruri hota hai.

Kyuki agar apka blog adsense ki supported languages ki list me nahi hai. Toh 100% chances hai ki adsense application reject hogi.

Dosto yeh sab important bate apko google adsense account apply karne se pehle dhyan me rakhni padti hai hai.

Agar aap in sab bato ka khyaal rakhte hai toh 100% apka adsense account approve ho jayga.

Me ummeed karta hu ki apko is post ko padh ar usefull jankari mili hogi. Agar apka koi swaal hai toh comment karke jarur puche & keep visiting Missingideas.

36 COMMENTS

    • Nice site bro. Mene chek kiya apka blog badhya hai . Bas sirf aap menu baar ya footer menu me apne blog ki privacy policy + sitemap + about/contact-us ke pages jarur lagaa le. Seo ki najrye se yeh bahut jaruri hai. Aur search engine robots ko site index karne me asaani rehti hai

  1. Sir,Aapne jo AdSense aprroval tips di hai wo sabhi ok hai lekin per day Page View kitne hone chahiye kya ye bhi koi maayne rakhta hai ya nahin aur mein theame bhi abhi free use kar rha hoo. To kya mein AdSense ke liye apply kar doo ya nahin.
    Poori jaankari deve

    • Sidebar me category ko jaise mene use kiya theek vaise hi kare. Or apne recent comment widget ko hata de. Apke blog par comments nahi hai so yeh sirf title hi show ho raha hai. Jab apko comments ane shuru ho jayage tab aap laga lena. Baki sab theek hai.

    • Welcome ankit ji, apki poori help ki jayagi, mene apka blog dekha hai. apko apne blog ki template change akrni chahye. Colorlib website par apko apne blog ke liye best template mil jaygi. iske ilava apne blog me important pages banakr lagaye.

    • Aap post ko dhyan se padhe. Aapko khud pate chalega. Kon kon si kamaya hai deepak ji. Aur mene aapka blog bhi dekha hai. Aap apki site sidebaar me se jo widgets 2 baar added hai use hata dijiye hai.

  2. Bhai ek baat puchni thi aapse plz reply dena. Kal maine aapke vistor counter ka 2 baje screenshot liye aur aaj fir se 2 baje screenshot liya aur dono ka difference sirf 300 page views ke aas paas tha. Mujhe bas yeh puchna hai aapse ki aap toh kehte aapke blog pe daily 2000-3000 pageviews hote hai fir aisa kaise hua ? Maine yeh experiment 7 days pehle kiya tha tab bhi result yahi tha. Bhai mere baaton ka bura mat manana main bas iske piche ka reason pata karna chahta hu. Mujhe pata hai analytics aur visitor counter same result show nahi kar sakte lekin 2000-3000 aur 300 pageviews mein kafi jyada difference hai

    • Raam ji me aapki baat se bilkul sehmat hu. Lakin me traffic ke bare readers ke sath wahi information share karta hu jo mujhe google Analytics se milti hai. Baaki jo aap visitor counter mi baat kar rahe hai. Yeh me 6 month pehle se use kar raha hu and jo aapne kaha aisa mene kabhi chek nahi kiya. Me iski counting chek kruga. Agar sahi nahi de raha hoga toh ise remove kar diya jayega

      • Thank you bro aapne answer itne acche tarike se diya aur mujhe aap par bharosa hai iska proof aap income report mein de chuke ho. By the way bro aapke daily 2000-3000 pageviews ho rahe uske liye aapke total users kitne hote hai ? Kyuki aapka bounce rate maine check kiya kafi accha laga dekhkar plz bataye

  3. Hi Harpreet ji mera sawal PAYEE NAME ko lekar hai. Actually mere document me mera naam keval jitender hai aur google adsense account login karne k liye name aur sirname dono chahiye to kya main PAYEE NAME me apni wife ka naam daal sakta hu. because i dont have any other option.
    Agar iska koi aur option hai to please bataye. Thanx

LEAVE A REPLY