Keyword Kya Hota Hai – Blog Me Keywords Ka Use Kaise Kare

8

Agar aap ek new blogger ho toh aapne jarur keyword ka naam kahi na kahi jarur suna hoga. Aisa bhi ho sakta hai aapko iske bare me thodi bahut jankari ho. Par nahi bhi hogi toh don’t worry, kyuke is post me mai aapko, keyword kya hota hai, blog ya website me iska use kaise kare, aur iske use se hume kya kya fayde hote hai, ke bare me detail me batane ja raha hu. Isliye post ko dhyan se end tak padhe. Agar koi point smajh na aye toh comment me puch le.

keyword kya hota hai

Keyword Kya Hota Hai

Blogging me ek keyword woh word hota hai. Jisse search engine ko yeh pata chalta hai ke aapka article kis bare me hai. Matlab ke kis topic par humne post likhi hai.

Chaliye ek example se samjhata hu.

Agar aap apni website par SEO se related post likh rahe ho. Aur usme seo training word ka use baar karte ho. Toh Google search engine jab aapka article ko index karega toh usey is baat ka pta chal jayega ke aapki post seo tranning topic par likhi gayi hai.

Jab koi use search engine me yahi keyword research karega toh search results me aapka article bhi show hoga.

Agar aap kisi ek keyword ko focus karke article likhte hai toh iski limits (density) ko hamesha dhyan me rakhna chahye.

Aap ek 500 words ki post me maximum 5 se 12 baar focus keywords ka use kar sakte ho. Isse jyada baar use karne se Google aapke post ko spam maan lega aur aapko serps (search engine page results) me badhya ranking nahi milegi. Aur aap ko search engine se organic traffic nahi milegi. Jisse aapki puri mehnat bekar chali jayegi.

Articles Me Keywords Kyu Use Karne Chahye – Iske Kya Fayde Hote Hai

Jab koi internet par Google, Bing aur dusre kisi bhi search engines me kisi topic ke bare me research karte hai toh search results me wahi web pages sabse top par show hote hai.

Jisme sabse badhya SEO technique ka use kiya hota hai. Matlab ke woh sabhi top search results jisme keywords ka sahi aur proper tarike se placements kiya hota hai. Search engine me top ranking position par show hote hai.

Isilye aap apne blog articles me keywords ka proper and limited density ke sath use karke search engine me top ranking position pa sakte ho.

Blog Post Ke Liye Right (High Quality) Keyword Ko Choose Kaise Kare

Successful blogger usi ko mana jata hai jiske blog par adhik se adhik traffic ho. Agar aap apne blog par traffic badhana chahte ho toh aapko apne articles me high quality and focus keyword ko choose karna ana chahye.

Aapko pta hona chahye ke aap jis keyword par article likh rahe ho, us par monthly searches kitni hai ya fir usey google par search kiya bhi jata hai ya nahi.

Example ke liye agar mai post likhta hu “SEO kya hota hai”. Toj is post me mera focus keyword SEO ayega. Isi ko target karke me apna article me har jagah discription, images, permalinks etc. par likhuga.

Agar aap iske bare me detail me jankari chahte ho toh aap blog post me high quality keywords ka use kaha aur kaise kare, wali post bhi padh sakte ho isse aapko article ki on page seo karne me asaani hogi.

Aisa karne se aapko search engine results me top position milegi. Apni website ki Google par page rank improve karne ka yehi ek tarika nahi hai balki Iske ilava aur bhi bahut se search engine optimization rules and techniques ko follow karna padhta hai. Adhik jankari ke liye aap humari website ki SEO related posts padh sakte ho.

Bonus Tips

Agar aapko yeh janana hai search engines par sabse jyada kya search kya jata hai toh aap google keyword planner ka use kar sakte ho. Yeh Google adword website ka hi ek online tool hai jo bilkul free service deta hai.

Google keyword planner tool ki madad se aap yeh pata laga sakte ho ke kon kon se keywords ko internet par montly kitni baar search kiya jata hai. Isme aur bhi bahut se feature hai jo aapke artical ko google top page me lane me bahut madad karega.

Iske ilava advanced features researches ke liye aap SemRush bhi use kar sakte ho. SemRush ek coslty paid tool hai. But isme itne features hai ke isse aap apne competators ko beat karke search engine se easily organic traffic pane me bahut fayde ke tips and techniques ki jankari le sakte ho.

Aapko post kaisa laga? Apne reviews jarur dijiye. Agar aapka blogging related koi sawal ya phir koi confusion hai toh comment box me puch sakte ho.

8 COMMENTS

LEAVE A REPLY